Оқиға салдарынан ұшақ әуежайға қайта қонуға мәжбүр болған.
Әлия Молдағұлова атындағы халықаралық әуежайдың мәліметінше, жолаушының жағдайы ұшу кезінде күрт нашарлаған.
«Ұшақ командирі шұғыл түрде ұшу әуежайына оралу туралы шешім қабылдады. Әуе кемесі жергілікті уақыт бойынша 22:50-де Ақтөбе әуежайына қауіпсіз қонды. Қонған бетте жедел медициналық жәрдем қызметі ұшаққа жетті. Алайда жолаушының өмірін сақтап қалу мүмкін болмады», — деп хабарлады әуежай өкілдері.
Қайғылы оқиғаның видеосы әлеуметтік желілерде жарияланды.
Жолаушының өлімі фактісін Көліктегі полиция департаменті де растады.
«Ақтөбе станциясының желілік полиция бөлімі қылмыстық іс қозғады. Алдын ала мәлімет бойынша, өлімнің себебі созылмалы ауру. Қазіргі уақытта тергеу жүргізіліп жатыр. Қосымша ақпарат ҚР Қылмыстық іс жүргізу кодексінің 201-бабына сәйкес жариялауға жатпайды», — деп хабарлады ведомство.
Оқиғаға қатысты тергеу жалғасуда.
