Солтүстікте – қарлы боран, орталықта – жаңбыр мен қар
Болжамға сәйкес, солтүстік облыстарда, ал күндізгі уақытта орталық өңірлерде тұрақсыз ауа райы сақталады. Бұл аймақтарда жаңбыр мен қар аралас жауын-шашын түседі. Солтүстік өңірлерде боран соғады.
Шығыста көктайғақ болуы мүмкін
Синоптиктердің хабарлауынша, солтүстік пен шығыста көктайғақ күтіледі. Жолдарда мұз қатып, көлік қозғалысына кедергі келтіруі мүмкін. Осыған байланысты мамандар жүргізушілерге барынша абай болуды ескертеді.
Басым бөлігінде – жауын-шашынсыз
Қазақстанның қалған өңірлерінде жауын-шашынсыз ауа райы сақталады. Дегенмен, республиканың бірнеше аймағында тұман түсіп, көріну қашықтығы едәуір төмендеуі ықтимал.
Жел күшейеді
23 қараша күні жел солтүстік, солтүстік-батыс, шығыс және оңтүстік өңірлерде күшейеді деп күтіледі.
Синоптиктер тұрғындарға ауа райының өзгерістерін ескеріп, жолда сақтық шараларын сақтауды ұсынады.
