Жиында ҚР мәдениет саласының үздігі, Сүйінбай атындағы Алматы облысы филармониясының балет әртісі Бегзат Ағиярұлы бишілердің зейнетке шығу мәселесін көтерді.
«Бишілер 63 жасқа дейін сахнада жүруге мәжбүр. Жалақылары аз. Көрші Ресей, Өзбекстан, Қырғызстан елдерінде 20 жыл өтілі бар биші 100% еңбекақы көлемінде зейнетке шығады. Ал біздің филармонияның өзінде 35 биші болса, оның 50% 40 жастың ар жақ-бер жағындағылар. Жасы ұлғайған адамдар жұмыстан шығып кетсе де, бұл дипломмен қайда барады? Тіпті, бишілікке келетін оқушылар, жасөспірімдер азайған. Себебі, бұл мамандықтың болашағына ешкім сенбейді. Десе де, ең бірінші кезекте, осы зейнет мәселесін шешуге назар аударсаңыз», — деді сөз алған биші Бегзат.
Дәурен Абаев: «Бұл тек бишілерге ғана қатысты емес. Мысалы, шахтерлардың да жағдайы дәл осындай. Оларды да зейнетке ерте шығару мәселесі қаузалып жатыр. Бұған мән беріп, мемлекеттік деңгейде көтереміз», — деп жауап қайырды.
