Нұрлан Қайдарұлы Жамаубаев 1972 жылы туған. Білімі жоғары. Қазақ мемлекеттік аграрлық университетті «ветеринариялық медицина» мамандығы бойынша бітірді.
Еңбек жолын Талдықорған қаласындағы Өтенай мал дәрігерлік пунктінің меңгерушісі болып бастаған.
Әр жылдарда Алматы облыстық ипподромының бас мал дәрігері, Талдықорған қаласы ветеринария бөлімінің бас маманы, бөлім басшысы, Өтенай ауылдық округі әкімінің орынбасары, Талдықорған қалалық ауыл шаруашылығы бөлімінің басшысы, ҚР Ауыл шаруашылығы министрлігі Ветеринарлық бақылау және қадағалау комитетінің Алматы облыстық аумақтық инспекциясы басшысының орынбасары қызметтерін атқарды.
2021 жылдың қыркүйегінен – ҚР Ауыл шаруашылығы министрлігі Ветеринарлық бақылау және қадағалау комитетінің «Республикалық ветеринарлық зертхана» ШЖҚ РМК Талдықорған өңірлік филиалының директоры болды.
