Көршілерінің айтуынша, қыз жалғыз тұрған, оған ешқандай шағымдар болмаған. Ол ешкіммен ұрыспаған және сабырмен, өте жайлы өмір сүрген. Оқиға барысында куәгерлер қызды қарсы ғимараттан көрген кезде секіруден бас тартуын сұрағандарын айтты.
Алайда бойжеткен біреуге дауыстық хабарлама жолдаған соң, артына бұрылып, өзін балконнан лақтырып жіберген. Көршілерінің айтуынша, қыз Шымкент қаласының тумасы, Алматыда жалғыз өзі пәтер жалдап тұрған.
«Бостандық аудандық полиция бөлімінде «Өзін-өзі өлтіруге итермелеу» бабы бойынша сотқа дейінгі тергеу басталды. Оқиғаның мән-жайы мен себебі анықталуда», — деді Алматы қалалық полиция департаменті.
Еске салсақ, Алматыда кеше 16 тамызда кешкісін бойжеткен 25-қабаттан секіріп кеткен болатын.
