Балғындар ән шырқап, өлең оқып, қолөнер бұйымдарын тарту етіп, қазыналы қарттарға ерекше көңіл-күй сыйлады.
Бұл игі шара жас буынға үлкенге құрмет, кішіге ізет көрсету дәстүрін дәріптеп, қарым-қатынастың мәнін ұғындырды. Балалар мен қариялардың арасындағы жылы жүздесу олардың жанарына қуаныш ұялатып, жүректерін шаттыққа бөледі.
Қариялардың бірі ризашылығын білдіріп:
«Біздің жағдайымызды сұрап, көңілімізді аулағандарыңызға рақмет. Балалардың күлкісін көріп, шаттанып қалдық. Ең бастысы – үлкенге құрметтің ұмытылмай келе жатқаны қуантады. Осындай сәттер бізге үлкен демеу болады» – деді.
Шара соңында орталық тәрбиеленушілері қарияларға жиі барып тұруға уәде беріп, қарттар да балаларға ақ батасын берді.
