«Аптасына 6 күн оқып жүрген 1,5 миллион оқушы бар. 25 мамырдан 31 мамырға дейін ұзарған оқу күндері бұл мәселені оңынан шешпек. Екіншіден, бізде көп мектеп екі ауысымда жұмыс істейді. Оқу жүктемесінің азайғанына байланысты екі ауысымда оқып жатқан балалардың 300 мыңға жуығы бірінші ауысымда оқитын болады. Сонымен қатар жүз елу мыңға жуық мұғалім енді сенбі күні үйінде болады. Олар да демалуы керек. Балалармен жұмыс – өте күрделі жұмыс. Сондықтан 1 қыркүйектен оқу жылының соңына дейін мұғалім шаршайды», – деді министр.
Сонымен қатар Оқу-ағарту министрі биыл оқу жылын ұзарту арқылы үш ауысымдағы 100 мектептің мәселесі шешілетінін айтты.
