Сондай-ақ Үкімет отырысында Бақыт Ақшолақов дизель отынына сараланған жаңа тарифтер туралы айтты.
Мәселен, азаматтың өзімен бірге жүргізуші куәлігі болса, күніне 100 литрге дейін дизель сатып ала алады. Бағасы шамамен 230-260 теңге аралығында. Ал жүк көлігін тізгіндегендерге жүргізуші куәлігі мен техникалық құжатын көрсеткен жағдайда тәулігіне 300 литрге дейін алуға рұқсат. Белгіленген мөлшерден көп алғысы келетіндерге баға басқа – шамамен литрі 450 теңге. Бірінші кезекте дизелді ауыл шаруашылығы өнімдерін өндірушілер мен жанармай бекеттері алады. Содан кейін өнеркәсіптік кәсіпорындар мен Қазақстан темір жолы қол жеткізеді. Ал күзгі дала жұмыстарын жүргізушілерге арнайы баға белгіленеді.
«Күзгі дала жұмыстарын жүргізу үшін ауыл шаруашылығы тауарын өндірушілерге белгіленген баға – 1 тоннасына 222 мың теңгені (литріне 184 теңге) құрайды. Ауыл шаруашылығы тауарын өндірушілер үшін барлық жоспарланған көлемдер толық орындалатын болады. Бұл көлемдерді негізгі жеткізушілер – “ҚазМұнайГаз” бен “Петросан», – деді Ақшолақов.
Бұл мәселені ҚР Энергетика министрлігі мен «ҚазМұнайГаз» ұлттық компаниясы тікелей бақылауға алды.
