Fox News арнасына берген сұхбатында Зеленский бірнеше елдің келіссөз алаңы ретінде қарастырылып отырғанын айтты.
«Біз Түркия, Сауд Арабиясы, Катар және Австрия, Швейцария сияқты бейтарап еуропалық мемлекеттердің атын атадық. Қажет болса, Қазақстанды да қарастыруға болады», – деді Украина президенті.
Владимир Зеленскийдің айтуынша, екі елдің көп уақыт жоғалтпай келісімге келуі маңызды. Ол Мәскеудің диалогқа бармай отырғанын уақытты созу әрекеті деп бағалап, нақты әрі нәтижелі келіссөздердің қажеттігін баса айтты.
Бұл мәлімдеме Ресей мен Украина арасындағы қақтығысты бейбіт жолмен реттеу үмітін жандандырып отыр. Алайда келіссөздер өткізу туралы шешім тараптардың өзара саяси ерік-жігеріне байланысты болмақ.
