Ол 31 тамыз күні аударылған қайықтан жағаға жете алмаған.
Оқиға 9-шы сорғы стансасы маңында болған. Қайықта екі адам отырған. Олардың бірі өздігінен жағаға шыққанымен, екіншісі шамамен 400 метр қашықтықта көзден ғайып болған.
Алматы облысы Төтенше жағдайлар департаментінің мәліметінше, хабар түскен бойда құтқарушылар оқиға орнына жеткен. Алғашқы сағаттардан бастап іздестіру жұмыстарына сүңгуірлер тобы мен қайықтар жұмылдырылды.
«Қолайсыз ауа райына және іздеу аумағының кеңдігіне қарамастан, жұмыстар тоқтаған жоқ. Қазір 17 құтқарушы, 3 техника, 4 жүзу құралы, дрон және «Эхолот» гидроакустикалық аппараты тартылды», – делінген департамент хабарламасында.
Қазіргі уақытта іздестіру жұмыстары жалғасуда.
