Оқиға 9 шілде күні болған. Павлодардағы жастар үйінің 16 жастағы тәрбиеленушісін үш жігіт жабылып зорлаған. Бұл оқиғадан соң қыз өз-өзіне қол жұмсамақ болып, 10 қабаттың терезесінен секіріп кеткен. Болған жәйтті оның әпкесі хабарлаған. Ақпарат әлеуметтік желіге де тарады. Осы факт бойынша Павлодар облысының полиция департаменті бастығының орынбасары Рашад Өтеуов, ҚР Қылмыстық кодексінің 120 бабының 3-1 бөлігі «Зорлау», 121 бабының 3-1 бөлігі «Сексуалдық сипаттағы зорлық-зомбылық әрекеттері» және 105 бабы «Өзін-өзі өлтіруге итермелеу», яғни үш бап бойынша сотқа дейінгі тергеп-тексеру амалдары жүргізіліп жатқанын мәлімдеді.
