Тұтынушы бағасының айлық өсуі шілде айында 1,1% құрады. 2000 жылдан бері мұндай көрсеткіш болмаған. Жылдармен салыстырғанда бағаның өсуі 15% артқан.
Айлық маусымдық-таза инфляция шілдеде 1,4% құрады және жыл басынан бері нысаналы деңгейден асып түсіп келеді.
Ұлттық банк өкілдері базалық маусымдық-таза инфляция маусым айына қарағанда төмендегенін айтады. Бірақ, биылға болжанған деңгейден әлі де жоғары көрсеткішті көрсетіп тұр. Бұл экономиканың проинфляциялық ортада екенін аңғартады.
Сондай-ақ:
- азық-түлік инфляциясы 19,7% жеткен (маусымда 19,2%) — сүт өнімдері, нан өнімдері, қант. Және Ұлттық банк елімізде астық қорының аз екенін айтты.
- азық-түлік емес тауарлардың бағасы 14,2% өскен (маусымда 13,2%) — киім-кешек, құрылыс материалдары, дәрі-дәрмек, жуу құралдары, т.б.
- ет өнімдерінің, майдың бағасы өсуі баяулаған.
- ақылы қызмет көрсету бағасы 9,2% деңгейінде тұрақтады.
- кинотеатрлар, балалар аттракциондары, фотограф қызметтері, шаштараз, қоғамдық тамақтану, сұлулық салоны қызметтері қымбаттаған.
- әуе және теміржол жолаушылар тасымалы қызметтері қымбаттаған.
- ауыл шаруашылығы өндірушілеріне қатысты бағаның өсуі 22,1% көрсетті (2022 ж. 22,4%).
- бау-бақша, егістік өнімдерінен астық бағасы өскен. Көкөніс, май беретін дәнді дақылдар, мал азығы болатын шөп бағалары арзандаған. Және Ұлттық банк үй құстарының бағасын төмендету бағытында жұмыстар атқарып жатыр.
Ұлттық банк ҚР Ауыл шаруашылығы министрлігіне қарағанда, Қазақстанда бидай қорының жеткіліксіз екенін мойындады. Олар тауарлардың көбіне шет елден тасымалдануына байланысты бағаның өскенін айтады. Теңгенің әлсіреуі, логистика қызметінің бағасының өсуі – тауар бағасына әсер ететіні сөзсіз.
