Ол 1985 жылы Алматы облысы Сарқан ауданында дүниеге келген. Білімі жоғары, І. Жансүгіров атындағы Жетісу мемлекеттік университетін «дене шынықтыру және спорт» мамандығы бойынша, Көкше университетін «құқықтану» мамандығы бойынша бітірген.
Еңбек жолын 2008 жылы Талдықорған қаласының дене шынықтыру және спорт бөлімінің жетекші маманы болып бастаған. Әр жылдарда Алматы облысы бойынша туризм, спорт және дене шынықтыру басқармасының Туризмді дамыту бөлімінің басшысы, Алматы облысы бойынша туризм, спорт және дене шынықтыру басқармасының ұйымдастыру — құқықтық жұмыстар бөлімінің басшысы болған.
2017-2019 жылдары – ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Алматы облысы бойынша департаментінің Мемлекеттік қызметтер басқармасының басшысы. 2019-2022 жылдары – ҚР Мемлекеттік қызмет істері агенттігінің Алматы облысы бойынша департаментінің Мемлекеттік қызметтер басқармасының басшысы лауазымдарын атқарды. Мемлекеттік қызметтегі жалпы еңбек өтілі 13 жылдан асады, ҚР Мемлекеттік қызмет істері агенттігінің жүйесінде 7 жыл.
