Онда жергілікті өнерпаздар — жас домбырашылар арнайы бағдарлама ұсынып, ұлттық күйлерді төгіп, келушілерге ерекше көңіл-күй сыйлады. Бұл көрініс елдің саяси мәдениетінің тек дауыс берумен шектелмейтінін, рухани құндылықтармен де үйлесім табатынын көрсетті.
Райымбек аудандық Баққожа Мұқай атындағы мәдениет үйінің басшысы Медет Серікұлы сайлауға қатысу әр азаматтың борышы екенін тілге тиек етті.
— “Бұл күн саяси науқан болғанымен үлкен мейрам деп білеміз. Міне, осындай мерекеге сай көңіл күйде әріптестерімізбен дауыс бердік. Сайлау құқығы берілген әрбір азамат осындай жауапты күнде салғырттық танытпау керек деп ойлаймын. Жалпы сайлау алды бағдарламалармен таныс бола отырып, өзіміздің сенім артқан үміткерді таңдадық және үлкен үміт күте отырып елдің жүгін көтере алатын азамат екеніне сенімім мол. Сайлауға қатысу әрбір азаматтың міндеті мен құқығы. Осындай жауапты кезеңде, үлкен жауапкершілікпен ауылдастарымызды таңдау жасауға шақырамыз”,- деді ол.
Ал ұлттық аспап үнімен әрленген бұл күн жұрт есінде тарихи әрі тағылымды сәт ретінде сақталып қалмақ. Бұл — ел ішінде азаматтық белсенділікпен қатар, мәдени құндылықтардың да қатар жүретінін дәлелдеген жарқын мысал.
