Таңғы сағат 07:00-де барлық сайлау учаскелері өз жұмысын бастап, тұрғындар белсенді түрде азаматтық таңдауын жасауда.
Сайлау процесі заң талаптарына сай ұйымдастырылып отыр. Учаскелерде бақылаушылар мен комиссия мүшелері жұмысын атқарып, дауыс беру барысын қадағалап отыр.
Сарыжаз ауылындағы №774 сайлау учаскесіне алғашқылардың бірі болып келген зейнеткер Гүлбақыт Нұрқасымова сайлауға қатысудың маңыздылығына тоқталды:
– “Сайланған әкім ауданымыздың өркендеуіне үлес қосады деп сенеміз. Әсіресе ауыл шаруашылығының дамуына, техника мен инфрақұрылымның жаңаруына мән берсе екен дейміз. Халықпен етене жақын жұмыс істеп, олардың мәселелеріне шынайы көңіл бөлсе, елдің ықыласына бөленері анық. Сондай-ақ, жастар тәрбиесі мен білім сапасы да назардан тыс қалмағаны жөн”, – деді ол.
Айта кетейік, дауыс беру кешкі сағат 20:00-ге дейін жалғасады. Райымбектіктерді өз болашақтарыңызға бейжай қарамай, маңызды таңдау жасауға асығуға шақырамыз!
