Комиссия мүшелері, үздіктерді іріктеу кезінде, отбасы мүшелері жетістіктері, отбасылық дәстүрлер мен құндылықтар, қоғамдық қызметтерге атсалысуы мен қайырымдылық шараларға қолғабыс етуі басшылыққа алынды.
Отбасы құндылығын дәріптейтін «Мерейлі отбасы-2025» ұлттық байқауының Алматы облысы бойынша жеңімпазы атанып, бірінші орынға ие болған Қарасай ауданының Бекдайыр отбасы болды. Өңірлік кезеңнің нәтижесі бойынша Еңбекшіқазақ ауданынан Шолпанбай отбасы екінші орынға, ал Жамбыл ауданынан келген Қондыбаевтар отбасы мен Балқаш ауданының намысын қорғаған Телтаевтар отбасы үшінші орынға ие болды.
Шараға облыстық кезеңде бақ сынаған барлық аудан қалалардан келген отбасылар қатысты. Сайыскерлерге Алматы облысының ішкі саясат басқармасы басшысы Абитов Ерік Әзілжанұлы «Мерейлі отбасы» ұлттық конкурсына белсенді қатысқаны үшін облыс әкімінің бірінші орынбасарының Алғыс хаты мен ынталандыру сертификатын табыстады.
Жеңімпаз атанған Қарасай ауданының Бекдайыр отбасы 2025 жылдың 12 қыркүйегінде Отбасы күні қарсаңында өтетін республикалық кезеңде диплом және мүсіншемен марапатталып, салтанатты жағдайда өтетін рәсімге қатысатын болады.
Айта кетейік, «Мерейлі отбасы» ұлттық конкурсын өткізу тұжырымдамасына сәйкес бірінші кезең — өңірлік деңгейде, аудандық (қалалық) деңгейде іріктеу жүргізіліп, нәтижесінде 87 өтінім қабылданған. Аудандық (қалалық) комиссия конкурсқа қатысуға өтінім білдірген отбасылардың тиісті құжаттарын қамти отырып, хаттама арқылы облыстық комиссиясының қарауына 15 өтінім жинақталды.
