Аталған соманың ішінде:
-
678,7 млрд теңге – базалық зейнетақыға;
-
1 трлн 419,9 млрд теңге – ынтымақты зейнетақыға бағытталған.
Зейнеткерлер саны – 2,5 миллионнан асады
2025 жылғы 1 шілдедегі жағдай бойынша Қазақстанда 2 млн 489 мың зейнеткер тіркелген.
Орташа зейнетақы мөлшері – 143 529 теңге
Сол күнгі есеп бойынша, зейнетақының жиынтық орташа мөлшері 143 529 теңгені құрайды. Оның ішінде:
-
ынтымақты зейнетақы – 95 912 теңге,
-
базалық зейнетақы – 47 617 теңге.
Зейнетақы инфляция деңгейінен озық өсуде
2025 жылдың 1 қаңтарынан бастап:
-
базалық зейнетақы 6,5%,
-
ынтымақты зейнетақы 8,5% көтерілді.
Бұл өсім елдегі инфляция деңгейінен 2%-ға жоғары.
Базалық зейнетақы кезең-кезеңімен артады
Президент тапсырмасына сәйкес, 2023 жылдан бастап 5 жыл ішінде базалық зейнетақының төменгі және жоғарғы шегі кезең-кезеңімен артады:
-
Ең төмен базалық зейнетақы – ең төмен күнкөріс деңгейінің 70%-ына дейін,
-
Ең жоғарғысы – 120%-ына дейін жеткізіледі.
2025 жылдың 1 қаңтарындағы нақты көрсеткіштер:
-
ең төменгі базалық зейнетақы – 32 360 теңге (күнкөріс деңгейінің 70%),
-
ең жоғарысы – 50 851 теңге (күнкөріс деңгейінің 110%).
Базалық зейнетақы қалай есептеледі?
2018 жылдан бастап базалық зейнетақы азаматтың еңбек өтіліне қарай есептеледі. Оған:
-
1998 жылғы 1 қаңтарға дейінгі ынтымақты жүйеде жұмыс істеген жылдар,
-
міндетті зейнетақы жарналары (МЗЖ) төленген кезеңдер кіреді.
Есептеу тәртібі:
-
Егер өтілі 10 жыл немесе одан аз болса – күнкөріс деңгейінің 70%-ы,
-
Әр қосымша жыл үшін – 2%-ға артады,
-
20 жыл өтіл болса – 90%,
-
30 жыл және одан көп болса – 110% мөлшерінде төленеді.
Айта кету керек, бір айда бірнеше рет жарна төленсе де, ол 1 ай ретінде есепке алынады.
Ынтымақты зейнетақы қалай есептеледі?
Жасына байланысты тағайындалатын ынтымақты зейнетақы мөлшері:
-
1998 жылға дейінгі еңбек өтіліне (кемінде 6 ай болуы тиіс),
-
Зейнетке шығар алдындағы орташа айлық табысқа байланысты есептеледі.
Мұндай жүйе зейнетақының әділеттілігі мен тұрақтылығын қамтамасыз етуге бағытталған.
