Аптаның басында елімізде ауа райы тұрақсыз болады. «Қазгидромет» синоптиктерінің хабарлауынша, атмосфералық фронттардың өтуіне байланысты Қазақстанның басым бөлігінде жаңбыр жауып, найзағай ойнайды.
19 шілдеде – солтүстік және орталық өңірлерде,
20 шілдеде – шығыс аймақтарда қатты жаңбыр, бұршақ және дауыл болуы мүмкін.
Апта соңына қарай солтүстік-батыстан антициклон жылжып келеді. Оның әсерінен:
-
Жауын-шашын біртіндеп тоқтайды;
-
Ауа температурасы төмендейді;
-
Көп өңірде жел күшейеді;
-
Оңтүстік және оңтүстік-батыста құмды дауыл соғуы мүмкін;
-
Солтүстік-батыс пен солтүстік өңірлерде түнгі және таңғы уақытта тұман түседі.
Аптап ыстық сақталады
Алайда еліміздің бірқатар аймағында қатты ыстық әлі де сақталады:
-
Батыс және оңтүстік-батыста – ауа температурасы +43°С-қа дейін көтеріледі;
-
Солтүстік-батыс пен шығыста – +40°С;
-
Оңтүстік-шығыста – +42°С-қа дейін ысиды.
Синоптиктер қазақстандықтарға ауа райының күрт өзгеруіне дайын болуға кеңес береді. Әсіресе, жолға шығатындар мен ауыл шаруашылығы саласында еңбек ететін азаматтар абай болғаны жөн.
