Іс-шараға қатысқан мекемелер:
-
Алматы облыстық Төтенше жағдайлар департаментінің басшысы;
-
Алматы облысы бойынша Көліктік бақылау инспекциясы басшысының орынбасары;
-
Полиция департаментінің қызметкерлері;
-
Қонаев қаласы әкімінің орынбасары;
-
Қонаев қаласы прокуратурасының өкілдері.
Рейд нәтижесінде анықталған заңбұзушылықтар:
-
ҚР Әкімшілік құқықбұзушылық туралы кодексінің 412-бабы («Су айдындарындағы қауіпсіздік ережелерін бұзу») бойынша құтқару құралдарынсыз шағын кемелерде жүзген азаматтарға 8 әкімшілік хаттама толтырылды. Бұл әрекеттер адамдардың өмірі мен денсаулығына қауіп төндіреді.
-
582-бап («Кеме жүрісі ережелерін бұзу») бойынша кемелерде борт нөмірінің болмауы және басқару құқығына қажетті құжаттардың жоқтығы үшін 9 хаттама рәсімделді.
-
Ережені өрескел бұзғаны үшін 3 шағын кеме (гидроцикл) тәркіленіп, айып тұрағына қойылды.
Сақтық – қауіпсіздік кепілі
Рейд барысында демалушыларға судағы қауіпсіздік талаптарын сақтамау тек әкімшілік жауапкершілікке ғана емес, адам өліміне дейін апаратын қайғылы жағдайларға себеп болуы мүмкін екені ескертілді. Құтқару жилетін пайдалану, тиісті құжаттарды өзімен бірге алып жүру және белгіленген тәртіпті сақтау — өзіңіздің және жақындарыңыздың қауіпсіздігін қамтамасыз етудің негізгі шарттары.
Рейдтер жалғасады
Мамандардың айтуынша, осындай рейдтік іс-шаралар алдағы уақытта да тұрақты түрде өткізілетін болады. Бұл қадамдар су айдындарындағы қауіпсіздік мәдениетін қалыптастыруға және құқықбұзушылықтардың алдын алуға бағытталған.
