Синоптиктердің мәліметінше, алдағы күндері Қазақстан аумағының басым бөлігінде ауа райы құбылмалы болады.
Атмосфералық фронтальды бөліктердің өтуіне байланысты көптеген өңірде жаңбыр жауып, найзағай ойнайды. 16 шілдеде батыс пен солтүстікте, 17 шілдеде солтүстік-батыс пен солтүстікте қатты жаңбыр жауып, бұршақ пен дауылды жел соғуы мүмкін.
Тек еліміздің оңтүстік өңірлерінде жауын-шашынсыз, ыстық ауа райы сақталады. Сонымен қатар, республиканың барлық өңірінде желдің күшеюі күтіледі. Солтүстік-батыста түнде және таңертең тұман түседі.
Синоптиктер 16-17 шілде күндері оңтүстік-батыс өңірлерде өте қатты аптап ыстық болатынын ескертеді – күндіз 39-44°С-қа дейін көтеріледі. 17 шілдеде орталық аймақтардың жекелеген бөліктерінде 40°С-қа дейінгі аптап күтілуде.
Сондай-ақ:
-
оңтүстікте – 40-44°С,
-
оңтүстік-шығыста – 40-42°С,
-
солтүстікте – 30-35°С,
-
шығыста – 35-38°С шамасында ыстық ауа райы болжанып отыр.
Тұрғындарға ауа райының өзгеруіне байланысты қауіпсіздік шараларын сақтауға кеңес беріледі.
