1986 жылы туған әйел абайсызда құздан құлап, өздігінен шығуға мүмкіндігі болмаған.
Оқиға орнына бірінші болып 28237 әскери бөлімінің әскери қызметкерлері жетті. Олар парктің аумағында механикаландырылған патруль бағытымен жүріп келе жатқан кезде шатқал түбінде көмекке мұқтаж адамды байқаған.
«Патрульдеу барысында көмек сұраған әйел анықталды. Зардап шеккен азаматшаны кезекші нарядтың күшімен қауіпті аймақтан шығарып, жедел жәрдем қызметіне тапсырдық», – деп хабарлады Төтенше жағдайлар министрлігі.
Әйелдің өміріне төніп тұрған қауіп дер кезінде алдын алынып, ауыр зардаптардың жолы кесілді. ТЖМ құтқарушыларының айтуынша, бұл – таулы аумақтарда қауіпсіздік ережелерін сақтау қажеттілігін тағы бір еске салатын оқиға.
