АҚШ басшысы өз хатының мазмұнын Truth Social әлеуметтік желісіндегі парақшасында жариялады. Құжатта жаңа тарифтік мөлшерлеменің барлық салалық баждардан бөлек енгізілетіні және бүкіл қазақстандық экспорттық тауарларға қолданылатыны атап өтілген.
«2025 жылғы 1 тамыздан бастап Қазақстаннан АҚШ-қа жеткізілетін кез келген және барлық тауарларға 25% көлемінде кедендік баж салығы салынады. Бұл мөлшерлеме барлық салалық баждардан бөлек енгізіледі. Бұл хатты сізге жолдау мен үшін үлкен құрмет. Себебі бұл біздің сауда қатынастарымыздың беріктігін және Америка Құрама Штаттарының сіздердің ұлы еліңізбен елеулі сауда тапшылығына қарамастан ынтымақтастықты жалғастыруға дайын екенін көрсетеді», – делінген Трамптың мәлімдемесінде.
Сарапшылардың пікірінше, бұл шешім екі ел арасындағы сауда қатынастарына әсер етуі мүмкін. Қазақстан тарапынан әзірге ресми жауап берілген жоқ.
