Аталған орталық нақты диагнозы табылуы қиын қатерлі ісік ауруларын, сондай-ақ кардиология және неврология ауруларын ерте кезеңінде анықтайды. Бұл орталықта жолдамасы бар әр азамат ем алуына болады.
Орталықтың ерекшелігі – позитронды эмиссиялық компьютер томографиясының болуы. Аталған томография жылына 3 мыңнан 7 мыңға дейін науқастардың ағзасын зерттей алады. Қазіргі уақытта бұл аппараттың Орталық Азия мен ТМД елдерінде баламасы жоқ.
Орталықтың циклотронды кешені арқылы 9 радиофармпрепарат өндірісіне жол ашылмақ. Сондай-ақ, бұл жерде күрделі ауруларға шалдыққан науқастарды емдеу мен оңалтудың 7 терапиялық бөлімшесі жұмыс істейді.
Қасым-Жомарт Тоқаев орталық қызметі азаматтардың денсаулығын жақсартуға және қазақстандықтар үшін заманауи медициналық технологиялардың қолжетімділігін арттыруға қызмет ететініне сенімін білдірді.
