Облыстық білім басқармасынан түскен мәліметке қарағанда, «Мектепке жол– шекарасыз жақсылық!» ұранымен 1-10 тамыз аралығында өткізілген шара шеңберінде, соның ішінде бюджеттен тыс қаражат есебінен 34 943 балаға 736 млн. 462 мың теңгенің ақшалай және материалдық жәрдемі берілді.
Атап айтқанда:
- Еңбекшіқазақ ауданы 7 200 балаға 73 000 000 мың теңгеге қаражат көлемінде мектеп формасы, кеңсе тауары және азық-түлікпен көмек көрсетті.
- Қонаев қаласы бойынша кәсіпкерлердің демеушілігімен 104 балаға 2 371 000 теңгеге мектеп формасы және оқу-құралдары берілді.
- Іле ауданы кәсіпкерлердің көмегімен 2650 балаға 17 млн 577 мын 739 тенге көлемінде көмек көрсетілді.
- Қарасай ауданы бойынша жеке кәсіпкерлердің демеушілігімен 4125 оқушыға 103 млн125 теңгеге, мемлекеттік мекемелер тарапынан 75 оқушыға 1 млн.125 мың теңгеге оқуға қажетті құрал-жабдықтар мен мектеп формасы сатып әперілді.
- Кеген ауданы бойынша жеке кәсіпкерлердің көмегімен әлеуметтік категориядағы 135 балаға 900 000 мың теңге көлемінде көмек көрсетілді.
Бұл бағыттағы жұмыстар қыркүйек айының соңына дейін жалғасады.
Айта кету керек, акция аясында 123 мыңға оқушыны мектеп формасы және оқу құрал-жабдықтарымен қамту жоспарланған.
