Ауа райы болжамына сәйкес, көптеген өңірлерде құбылмалы күн райы сақталып, кей жерлерде жаңбыр жаууы мүмкін.
Ал Қонаев қаласында ауа райы ашық және жауын-шашынсыз болады деп күтілуде. Аспанда көшпелі бұлттар байқалады. Солтүстік-шығыстан және шығыстан соғатын желдің жылдамдығы секундына 9-14 метрге дейін жетеді.
Түнгі уақытта ауа температурасы 19-21 градус жылы болса, күндізгі сағаттарда сынап бағаны 32-34 градусқа дейін көтеріледі.
Мамандар осындай ыстық күндері күннен қорғануды және сұйықтықты жеткілікті мөлшерде тұтынуды ескертеді.
