Министрдің айтуынша, қазіргі таңда ұзындығы 3,2 мың шақырымды құрайтын 17 ақылы жол учаскесі жұмыс істеп тұр. 2023 жылы осы жолдар арқылы мемлекетке 48 миллиард теңге көлемінде кіріс түскен.
«Биыл жөндеу жұмыстары аяқталған соң тағы 29 учаскеде, яғни ұзындығы 6,2 мың шақырымды құрайтын жолдарда ақылы жүйені енгізу жоспарланып отыр. Бұл жолдардан жиналатын қаражат көлемі 100 миллиард теңгеден асады деп болжануда», – деді министр.
Сонымен қатар, Қарабаев болашақта ақылы жолдардан түскен қаражат есебінен жолдарды күтіп-ұстау, қажетті техника сатып алу және бұрын алынған қарыздар бойынша пайыздық мөлшерлемелерді өтеу мәселелерін шешу мүмкін екенін айтты.
Министрлік өкілдері бұл қадамдар жол инфрақұрылымын жақсартуға және оны ұзақ мерзімді пайдалануға мүмкіндік береді деп отыр.
