Денсаулық сақтау министрлігінің мәліметінше, 2025 жылдың басынан бері елімізде коронавирус инфекциясының 329 расталған жағдайы тіркелген. Қайтыс болу деректері тіркелмеген. Бұл көрсеткіш өткен жылдың сәйкес кезеңімен салыстырғанда 3,7 есеге төмен.
Еліміз бойынша аптасына шамамен 25 жағдай анықталып отыр.
Қазіргі таңда:
-
Инфекциялық төсек-орындардың жүктемесі – 27%
-
Реанимациялық төсек-орындар – 2% ғана толған
-
Стационарларда екі науқас ем қабылдап жатыр, екеуінің де жағдайы – орташа ауырлықта
Министрлік мәліметінше, Қазақстанда да, әлемнің көптеген еліндегідей, әлі күнге дейін алғаш 2022 жылы анықталған «Омикрон» штамы айналымда жүр. Бұл нұсқа 30-дан астам мутацияны қамтиды және көбіне аурудың жеңіл өтуімен сипатталады. Сондықтан көп жағдайда науқастарға стационарлық ем қажет емес.
Аурудың негізгі белгілері:
-
Жоғарғы тыныс жолдарының қабынуы
-
Мұрынның бітелуі
-
Тамақтың ауыруы
-
Жөтел
«Қазақстандағы эпидемиологиялық ахуал тұрақты, алайда вирустың айналымда жүргенін ескеріп, алдын алу шараларын ұстану маңызды», – деп ескертеді министрлік.
