Қазақстан қор биржасындағы бір күндік орташа сауда көлемі 243 млн доллардан 246 млн долларға дейін өсті. Жалпы сауда көлемі 5,4 млрд АҚШ долларын құрады.
Банк деректеріне сәйкес, сәуірде Ұлттық қордан 968 млн доллар сатылып, республикалық бюджетке трансферттерді қамтамасыз етуге жұмсалды. Бұл сома жалпы сауда көлемінің 18%-ын, яғни күніне орта есеппен 44 млн долларды құрады. Мамырда бұл көрсеткіш 950–1050 млн долларға дейін жетуі мүмкін.
«Айналау» операциясы аясында сәуірде 213 млрд теңге тартылып, мамырда осы сомада валюта сатылуы күтілуде. Сонымен қатар, БЖЗҚ зейнетақы активтерінің валюталық үлесін сақтау үшін 250 млн доллар сатып алынған.
Ұлттық банк валюта нарығындағы барлық операцияларды нарықтық бейтараптық қағидаты негізінде жүргізіп, интервенциялар жасамағанын хабарлады. Банк теңгенің болашақтағы бағамы нарықтағы қатысушылардың күтулеріне, салық кезеңдеріне және жаһандық ахуалға байланысты қалыптасатынын атап өтті.
