Алғашқы өрт сөндіру бөлімшелері оқиға орнына жедел жеткен. Барлау барысында өрттің ғимараттың жоғарғы, яғни мансард қабатынан шыққаны анықталды. Келген сәтте бүкіл 6-қабат толықтай жалынға оранған.
Қауіпсіздік шаралары шұғыл қолға алынып, газ-түтіннен қорғау қызметінің топтары құрылды. Өрт сөндірушілер су жеткізуді үздіксіз қамтамасыз етіп, жалынды сөндіруге кірісті.
Құтқарушылардың жедел әрі үйлесімді жұмысының нәтижесінде 50 адам, оның ішінде 7 бала қауіпсіз жерге эвакуацияланды. Тағы 490 тұрғын өздігінен ғимараттан шығып үлгерген. Жалын 1600 шаршы метр аумақта қамтылғанымен, толықтай сөндірілді.
Қазіргі уақытта өрттің шығу себебі анықталуда. Оқиға орнында өрт зерттеу сынақ зертханасының мамандары мен ТЖД анықтау бөлімінің қызметкерлері жұмыс істеуде.
Абырой болғанда, зардап шеккендер жоқ.
Фото: ТЖМ
