Министрдің айтуынша, бұл өзгерістер халыққа қолайлы жағдай жасауға, сондай-ақ кәсіби және жеке өмір арасындағы тепе-теңдікті сақтауға бағытталған.
«Қазіргі таңда Шығыс Қазақстан облысының Қатонқарағай, Марқакөл, Үлкен Нарын, Зайсан, Тарбағатай, Самар және Күршім аудандарында жұмыс кестесі 08:00-ден 17:30-ға дейін болып өзгертілді. Бұл бастама тұрғындар тарапынан қолдау тапты. Қажет болған жағдайда мұндай тәжірибе басқа өңірлерде де енгізілуі мүмкін», – деді Арман Шаққалиев.
Айта кетейік, 5 қаңтардан бастап Қатонқарағай ауданының 17 ауылында жұмыс күні 08:00-де басталып, 17:30-да аяқталатын жаңа кесте енгізілді. 24 ақпаннан бастап Марқакөл және Үлкен Нарын аудандары да осы тәртіпке көшті.
Ал 5 наурыздан бастап Зайсан, Күршім, Тарбағатай және Самар аудандарының тұрғындары да жұмыс күнін бір сағат ертерек бастайтын болады.
