Қаланың бір топ үкіметтік емес ұйым өкілдері қоғамдық мониторинг жүргізген. Қорытындысы бойынша банктерде қарапайым пандустың биік болғаны аздай, оған қоса тактильді жолдардың жоқтығы, Брайль жүйесі бойынша зағиптарға тақтайшалардың орнатылмауы секілді анықталған мәселелерді тізіп өтті.
«Бірінші жартыжылдықта 28 тексеру жүргізілді. Оның ішінде: 21 бақылау субъектілеріне бару арқылы профбақылау, 7 жоспардан тыс тексеру. Сонымен қатар 17 әкімшілік іс қаралды. Нәтижесінде салынған айыппұлдардың сомасы 1 301 775 теңгені құрады», – деп атап өтті Еңбек және әлеуметтік қорғау комитетінің Алматы облысы бойынша департамент қызметкері Айгерім Төлегенқызы.
Қазіргі уақытта департамент мүмкіндігі шектеулі азаматтарға бейімделмеген ғимараттардың қожайындарына 50-ден 400 АЕК айыппұл салыну мүмкін. Банк өкілдері анықталған кемшіліктерді өз назарларына алып, кемшіліктер түзелетінін хабарлады.
