«EgovKzBot2.0» бот-платформасы арқылы мемлекеттік көрсетілетін қызметтер бойынша шағым беруге, бюрократияны азайты және бизнес-процестерді оңтайландыру жөнінде ұсыныс жолдауға болады.
Ыңғайлы интерфейсі бар функцияны қолдану арнайы дағдыларды талап етпейді. Мемлекеттік көрсетілетін қызметтерді алуы кезінде күрделі мәселелер туындаған жағдайда азаматтар «EgovKzBot2.0» Telegram-ботына мемлекеттік қызметті берушінің мекеменің деректерін енгізіп, өз пікірлері мен ұсыныстарын немесе шағымдарын жібере алады. Мемлекеттік қызметті алу барысында артық құжаттарды талап ету, негізсіз бас тарту немесе уақытылы қызмет көрсетпеу және басқа да фактілер бойынша өтініш жіберуге болады.
Барлық келіп түскен шағымдар мен ұсыныстарды жауапты тұлғалар қарастырып, кері байланысты қамтамасыз ету арқылы мәселелерді қысқа мерзімде шешеді.
Мәселен, 2025 жылдың ақпан айында Telegram-бот арқылы шағымданған қызмет алушының мәселесі бойынша Департаменттің араласуынан кейін ғана «Медициналық-санитариялық алғашқы көмек көрсететін медициналық ұйымға бекіту» мемлекеттік қызметі көрсетілді.
