Ақтөбе облыстық прокуратурасының баспасөз қызметі хабарлағандай, Хромтау ауданының прокуратурасы «Мағаджан» плотинасының жарылуына байланысты қозғалған қылмыстық іс бойынша мемлекеттік айыптауды қолдады.
Тергеу материалдарына сәйкес, басқарушы компанияның директоры – ЖШС басшысы жеке пайдакүнемдік мақсатта суды ағызу шараларын қабылдамаған.
2024 жылдың 4 сәуірінде бөгеттің бұзылуы салдарынан Табантал, Қызылту және Бесқоспа ауылдарын су басып, азаматтардың мүлкі мен инфрақұрылымына айтарлықтай залал келді.
Хромтау аудандық сотының үкімімен сотталушы ҚР ҚК-нің 254-бабы («Міндеттеріне адал қарамау») бойынша кінәлі деп танылып, су шаруашылығы саласында жұмыс істеуге үш жылға тыйым салынды. Сондай-ақ, оған 2 жыл 6 ай мерзімге бас бостандығын шектеу жазасы тағайындалды.
Аталған үкім заңды күшіне енген жоқ.
