Сот мәліметінше, 40 жастағы Кішкенбаев 17 жасар жасөспірімге тиісті деп айыпталған.
Процес жабық режимде өтті. Ресми ақпаратқа сүйенсек, әнші мас болған және жәбірленушінің айтуынша, оған сыра ұсынған, кейіннен қорлайтын іс-әрекеттер жасап, тиісе бастаған.
Сот барысында Кішкенбаев сол күнгі оқиғаның мән-жайын мүлде ұмытып қалғанын алға тартқан.
Судья істі қарау кезінде әншінің әрекетіне кеңшілік жасамайтынын хабарлады. Керісінше, мас күйінде заң бұзу жауапкершілікті ауырлататын фактор саналады. Осы себепті Кішкенбаев 15 тәулікке әкімшілік қамауға алынды. Шешім әлі заңды күшіне енген жоқ.
