33 жастағы ер адам қалалық көпсалалы ауруханаға жатқызылды. Қол және кеуде тұсынан бірнеше пышақ жарақатын алған.
Оқиғаны анықтау барысында күдіктінің ақыл-есінде ауытқушылығы бар екендігі белгілі болды.
«Жас жігіт бір күн бұрын мас күйінде өгей әкесімен жанжалдасып, төбелескені белгілі болды. Ол таңертең ұйықтап жатқан өгей әкесіне асхана пышағымен шабуыл жасап, дене жарақатын салған. Алынған мәлімет бойынша жігіт психикалық ауытқушылықпен ауырады. Күдіктіге қатысты «адам өлтіруге оқталу» бойынша іс қозғалды», – деді Талдықорған қалалық ПБ бастығының орынбасары Шыңғыс Нұрахимов.
Күдікті қазіргі уақытта психоневрологиялық диспансерге жатқызылды. Іс бойынша соңғы процессуалдық шешім тергеу жұмыстарына байланысты қабылданатын болады.
