Сарыағаш АПБ-не жергілікті тұрғын алаяқтықтың құрбаны болғаны туралы арызданған. Оның айтуынша, танысы оны ішкі істер органдарына жұмысқа орналастыруға уәде берген. Ол үшін 1,5 млн теңге сұраған. Аталған факт ҚР ҚК-нің 190-бабы «Алаяқтық» бойынша тіркелді.
Жедел іздестіру іс-шараларының нәтижесінде полиция қызметкерлері күдіктіні анықтап, ұстады. Ол еш жерде жұмыс істемейтін жергілікті тұрғын болып шықты. Күдіктінің басқа да осыған ұқсас қылмыстарға қатысы бар-жоғы және барлық мән-жайлар анықталып жатыр.
