NCOC компаниясының сыртқы қарым-қатынастар бөлімінің мәліметінше, тамыздың 9-нан 10-на қараған түні теңіз және құрлықтағы нысанда өндіріс біртіндеп іске қосыла бастады.
«Бұл құрлық және теңіз нысандарында тиісті рұқсат шеңберінде шектеулі көлемде газ жағылатыны күтіліп отыр. Газ жағу – «Қашаған» кен орнын игеру жобасындағыдай күрделі өндірістік операцияларды қайта жандандыру барысындағы стандартты процесс. Бұл шектеулі уақыт аралығында үзілмелі режимде жүргізіледі», — деп мәлім етті компанияның сыртқы қарым-қатынастар бөлімі.
