Ресей Президентінің көмекшісі Юрий Ушаков бұған дейін Қазақстанды қоса алғанда, бірнеше елдің БРИКС серіктесі болуға дайындығын растағанын мәлімдеді. Оның айтуынша, кейбір елдер ұйымға толыққанды мүше болуды қаласа, басқалары тек байқаушы ретінде жеке шараларға қатысуға ниет білдіруде.
«Саммиттің маңызды нәтижелерінің бірі – БРИКС серіктес елдер санатын құру және 13 мемлекеттің тізімін келісу болды. Бұл елдерге тиісті ұсыныстар жіберілді. Қазіргі уақытта Беларусь, Боливия, Индонезия, Қазақстан, Куба, Малайзия, Тайланд, Уганда және Өзбекстаннан серіктес болуға дайын екендіктерін растау хаттары алынды», – деді Ушаков брифинг барысында.
Сонымен қатар, ол «жақын арада тағы төрт елден жауап күтілуде, оларға да шақырулар жіберілген» деп толықтырды.
