Алматы облысы әкімдігінің баспасөз қызметінің мәліметінше, Жандос Ақыл 2024 жылдың 20 желтоқсанынан бастап Цифрлық технологиялар басқармасының басшысы қызметін атқарып келеді.
Жандос Ақыл 1996 жылы дүниеге келген. Ол 2018 жылы Халықаралық ақпараттық технологиялар университетін «Ақпараттық жүйелер» мамандығы бойынша, ал 2021 жылы І. Жансүгіров атындағы Жетісу мемлекеттік университетін «Қаржы» мамандығы бойынша тәмамдаған.
Еңбек жолын Алматы облысы әкімдігінің «Ақпараттық технологиялар орталығы» КММ-де инженер қызметінен бастаған. Осы уақытқа дейін ол түрлі маңызды лауазымдарды атқарып, мол тәжірибе жинақтаған. Әр жылдары ол бас маман, бөлім басшысы, Алматы облысының Цифрлық технологиялар басқармасы басшысының орынбасары болып жұмыс істеген. Сонымен қатар, облыс әкімінің аппаратының жобалық кеңсе және мемлекеттік қызметтерді мониторингтеу бөлімінің басшысы қызметін де атқарған.
2024 жылдың қазан айынан бастап Жандос Ақыл Алматы облысы әкімінің аппаратының ұйымдастыру-инспекторлық жұмыс бөлімі бас инспекторы лауазымында қызмет етті. Бұл қызметтердегі жұмысы оның кәсіби біліктілігі мен көшбасшылық қабілетін айқындады.
