«Қазгидромет» РМК синоптиктері Қазақстанның басым бөлігінде жауын-шашын сақталатынын мәлімдеді, деп хабарлайды alataunews.kz/.
Атырау облысы
Облыстың батысы, солтүстігі және оңтүстігінде тұман күтіледі. Атырау қаласында да кей уақыттарда тұман болады.
Қарағанды облысы
Түнде батыс пен оңтүстікте, күндіз облыстың басқа да аудандарында көктайғақ күтіледі. Қарағанды қаласында күндіз көктайғақ болуы ықтимал.
Ұлытау облысы
Орталығы мен шығысында түнде қар жауып, көктайғақ болады. Солтүстігі мен оңтүстігінде түнде және таңертең тұман түседі. Жезқазғанда түнде қар жауып, тұман күтіледі.
Ақмола облысы
Облыстың батысы, солтүстігі мен шығысында түнде және таңертең тұман күтіледі. Күндіз оңтүстігі мен шығысында көктайғақ болуы мүмкін. Астанада түнде және таңертең тұман күтіледі.
Қызылорда облысы
Облыстың орталығында көктайғақ күтіледі, ал солтүстік, орталық және оңтүстігінде тұман болады. Қызылорда қаласында да кей уақыттарда тұман болуы ықтимал.
Жетісу облысы
Алакөл көлдері маңында желдің жылдамдығы оңтүстік-шығыстан 15-20 м/с дейін жетеді.
Батыс Қазақстан облысы
Облыстың көптеген аймақтарында тұман күтіледі. Түнде көктайғақ болуы ықтимал. Орал қаласында түнде және таңертең тұман түсіп, көктайғақ болады.
Маңғыстау облысы
Облыстың батысы, солтүстігі және шығысында тұман күтіледі.
Қостанай облысы
Батысы мен солтүстігінде күндіз көктайғақ күтіледі. Облыстың басқа аудандарында тұман болуы мүмкін. Қостанай қаласында да көктайғақ және тұман болжанып отыр.
Ақтөбе облысы
Түнде және таңертең батыс пен оңтүстігінде тұман түседі.
Жамбыл облысы
Таулы аудандарда қатты жауын-шашын (жаңбыр, қар) күтіледі. Желдің жылдамдығы 23-28 м/с дейін күшеюі мүмкін. Таразда найзағай, тұман және желдің күшеюі болжанады.
Солтүстік Қазақстан облысы
Күндіз облыстың батысы мен солтүстігінде бұрқасын болады. 21 қарашада солтүстігінде қатты қар жауады. Желдің жылдамдығы 23 м/с дейін жетеді. Петропавлда қар, бұрқасын және көктайғақ күтіледі.
Түркістан облысы
Таулы аудандарда қатты жауын-шашын (жаңбыр, қар), көктайғақ болады. Желдің жылдамдығы 15-20 м/с дейін жетеді. Шымкент пен Түркістан қалаларында түнде және таңертең тұман болжанады.
Синоптиктер тұрғындарды сақтық шараларын сақтауға және ауа райының өзгерістерін мұқият бақылауға шақырады.
