«Қазгидромет» РМК синоптиктері 19 қараша күні еліміздің 13 өңірінде қолайсыз ауа райына байланысты ескерту жариялады, деп хабарлайды alataunews.kz.
Ұлытау облысы: Батыс, шығыс және оңтүстігінде көктайғақ күтіледі. Түнде және таңертең оңтүстігі мен орталығында тұман түседі.
Батыс Қазақстан облысы: Солтүстік және шығыс бөліктерінде тұман, ал күндіз батысы мен солтүстігінде көктайғақ байқалады.
Қарағанды облысы: Оңтүстігінде көктайғақ, ал түнде және таңертең солтүстік пен шығысында тұман күтіледі.
Ақтөбе облысы: Батыс, оңтүстік және шығыс аймақтарында тұман болады.
Атырау облысы: Солтүстік, шығыс және оңтүстігінде тұман түседі.
Астана: Түнде және таңертең тұман күтіледі.
Қызылорда облысы: Орталықта жаңбыр мен қар түріндегі жауын-шашын болады. Солтүстік және орталық бөліктерінде тұман мен көктайғақ күтіледі.
Қостанай облысы: Солтүстік және оңтүстігінде тұман түседі.
Түркістан облысы: Таулы аймақтарда нөсер жауын жауады. Солтүстік, батыс, оңтүстік, таулы және тау бөктерлі аудандарда тұман болады. Күндіз таулы аймақтарда найзағай күтіледі, желдің жылдамдығы секундына 15-20 метрге дейін жетеді.
Маңғыстау облысы: Солтүстік және орталық бөліктерінде тұман болады.
Павлодар облысы: Оңтүстік және шығыс аймақтарында тұман күтіледі.
Жамбыл облысы: Оңтүстік және таулы аудандарында тұман болады. Түнде және таңертең таулы аудандарда көктайғақ күтіледі. Желдің екпіні секундына 15-20 метрге дейін жетеді.
Ақмола облысы: Батыс және оңтүстік бөліктерінде тұман күтіледі.
