Еңбек ресурстарын дамыту орталығының мәліметінше, 2024 жылы жұмысшы мамандықтардың еңбек биржасында 385 мың жұмыс орны бос екені анықталды. Ең үлкен сұранысқа ие мамандықтар: жүргізушілер, электромонтерлер, жөндеуші слесарлар, электр газбен дәнекерлеушілер, тракторшылар.
Ал 2024-2030 жылдары жұмысшы мамандықтарға деген қажеттілік 400 мың адамға дейін артады деген болжам бар. Статистика бойынша, алдағы уақытта үлкен қажеттілікті туындататын кәсіптер дәнекерлеушілер, сантехниктер, сылақ, тракторшылар, құрылысшы-монтажшылар болмақ.
Қазіргі уақытта, 252 мың студент колледждерде жұмысшы мамандықтар бойынша білім алып жатыр. Оларды 518 кәсіпорын «қамқорлыққа» алып, оқу орнын аяқтаған жас мамандарға жұмыс орындарын ұсынады.
Сонымен қатар, жергілікті атқарушы органдар да жас мамандарды жұмыспен қамту және жұмысшы мамандықтарға деген тапшылықты азайту мақсатында әртүрлі өндіріс ошақтарымен бірлесе «Ашық есік» күнін жиі өткізіп тұрады.
