ІІМ әкімшілік полиция комитетінің төарағасының орынбасары Жандос Мұратәлиевтің айтуынша, еліміздің жол жүрісі қағидаларын бұзу салдарынан жарты жыл ішінде еліміздің жолдарында 6 мыңнан астам жол-көлік оқиғасы тіркеліп, мыңға жуық адам қаза тапты, 8 мыңнан астам адам жарақат алды.
«Өткен тәуліктің өзінде еліміздің жолдарында 47 жол-көлік оқиғасы тіркеліп, 13 адам қаза тауып, 55 адам әртүрлі дене жарақатын алды», – деді ол министрліктің баспасөз алаңында өткен брифингте.
Сонымен қатар, елімізде бүгіннен бастап жол жүрісі қауіпсіздігі айлығы басталды.
Айлықтың мақсаты – жол-көлік оқиғаларын азайту, жолдағы қауіпсіздікті арттыру және жол жүрісіне қатысушылардың өмірі мен денсаулығын сақтау, сайып келгенде адамзат өміріне араша болу.
