«Енді 20 мамандандырылған ХҚКО сенбі күні сағат 9:00ден 13:00-ге дейін мемлекеттік қызметтер бойынша өтінімдерді қабылдайтын болады. Құжаттарды өткізу сағат 9:00-ден 15:00-ге дейін жүргізіледі», — деп хабарлады Мемлекеттік корпорация.
Ақтөбе, Атырау, Орал, Ақтау және Қызылордада кезекші мамандар автокөліктерді тіркеу бойынша келушілерді Астана уақыты бойынша сағат 10:00-ден 14:00-ге дейін қабылдайды, құжаттарды сағат 16:00-ге дейін өткізуге болады.
Арнайы ХҚКО жүргізуші куәлігін алу, автокөлікті тіркеу, сондай-ақ нөмір белгілерін беру бойынша қызметтерді ұсынады.
Сонымен қатар қазақстандықтар кезекті «Мобильді ХҚКО» қосымшасы, eGov mobile, EgovKzBot2.0 Телеграм-боты, eGov электрондық үкімет порталы және бірыңғай байланыс орталығының 1414 нөмірі арқылы алдын ала брондай алады.
Еске салайық, мемлекеттік қызметтерді EGOV порталы, eGov mobile мобильді қосымшалары және екінші деңгейлі банктер арқылы онлайн алуға болады.
