«Бірінші жағдайда алаяқтардың әрекетінен Сарыөзектің 33 жастағы тұрғыны зардап шекті, ол әлеуметтік желідегі сілтемеге кіріп, инвестициялық жобаны жарнамалаған. Әйел өзінің қаржысын салып, 1 293 000 теңгесінен айырылды. Алаяқтарға сенген тұрғын алғашқы кезде 100 мың теңге жіберген, сомма айтарлықтай өскен. Кейін бірден барлық жинақтарын салып жіберген. Алайда, нәтижесінде қомақты қаржысынан айырылып қалды», – дейді департаменттің киберқылмыспен күрес жөніндегі бөлім өкілі.
Осыған ұқсас жағдай Кербұлақ ауданы, Беріктас ауылында тіркелген.
«Алаяқ өзін банктердің бірінің қауіпсіздік қызметкері ретінде таныстырған. Ол белгісіз біреулер несие рәсімдеуге тырысып жатқанын айтқан. Содан кейін ер адам клиенттің депозиті бар екенін біліп, ақшаны қауіпсіз шотқа аудару керек деп мәлімдейді және ол үшін банк картасының артқы жағында көрсетілген үш таңбалы СVV кодын сұрайды. Нәтижесінде ауыл тұрғынының депозиттік шотындағы 1 млн 200 мың теңгесінен айырылды», – деді полиция.
Қазіргі уақытта тәртіп сақшылары екі оқиғаны да тіркеп, алаяқтарды іздестіріп жатыр.
