Бұл туралы Алматы облысының жұмыспен қамтуды үйлестіру және әлеуметтік бағдарламалар басқармасы бөлімінің бас маманы Ақмейір Абжалиева мәлімдеді.
«Гранттар қаражаты ісін жаңа бастаған кәсіпкерлерге өздерінің бизнес-әлеуетін ашуға, өндірісті жолға қоюға және дамытуға, сол арқылы өзін тұрақты табыспен қамтамасыз етуге мүмкіндік береді», – дейді Ақмейір Абжалиева.
Өтінім беру үшін business.enbek.kz порталына тіркеліп, грант алу шарттарына сәйкестігін тексеруден өту қажет. Кейін бизнес-жоспар үлгісін жүктеп, өтініш нысанын толтыру тиіс.
Грант алу үшін бірқатар шарттарды да сақтау қажет.
Айта кету керек, қазірдің өзінде 178 адам қайтарымсыз қаржыға қол жеткізіп, бизнес бастаса, соның 18-і мүмкіндігі шектеулі азаматтар. Жеңімпаздардың келесі легі алдағы айларда белгілі болмақ.
