«Жаз ыстық деп болжануда, сондықтан табиғи өрттің қаупі жоғары. Еліміздің орманды дала аймағындағы өрт қауіптілігіне табиғи климаттық жағдайлар мен азаматтардың өрт қауіпсіздігі талаптарын бұзуы үлкен әсер етеді. Бірақ біз бірлесіп өрттердің таралуын болдырмау, шектеу және оларды сөндіру бойынша уақтылы әрекет ету жөнінде шаралар қабылдауымыз керек», — деді Марғұлан Аманбаев.
ТЖМ табиғи өрт қаупін төмендету мақсатында өрт қауіпсіздігі бойынша келесі талаптарды қатаң сақтауды ұсынады. Олар:
жанып тұрған сіріңке мен темекі тұқылын тастамаңыз;
орман және дала алқаптарында от жақпау;
табиғатта болғаннан кейін шыны ыдыстарды өзіңізбен бірге алып жүру керек, өйткені күн сәулесі әйнектен өтіп, құрғақ шөпті фокустап, өртеп жіберуі мүмкін;
жанғыш қоқыстарды шығару, құрғақ өсімдіктерден тазарту және елді мекендердің аумағын жинау бойынша іс-шаралар жүргізу;
табиғи өрттер туындаған жағдайда 101, 112 телефондары бойынша өртке қарсы қызметке дереу хабарлау қажет.
Марғұлан Аманбаев орман және дала алқаптарында өрт қауіпсіздігі ережелерін сақтамағаны үшін Қазақстан Республикасының Әкімшілік құқық бұзушылық туралы Кодексінің 336, 367, 410-баптары бойынша әкімшілік жауапкершілік қарастырылғанын еске салды.
Фото: pixabay.com
