№974 дауыс беру учаскесінде ел өміріндегі елеулі жағдайдан қалыс қалғысы келмеген азаматтарды таңнан бері кезіктіруге болады. Аптаның демалыс күніне қарамастан жасы да жасамысы да өз елінің тағдырына бей-жай қарамайтынын көрсетіп жатыр.
Бұл дауыс беру учаскесінің тізімдегі азаматтардың көбі өз таңдауын жасап үлгерді. Олар өзгертулер мен толықтырулар тақырыбын өз бетінше зерделеп, алдын-ала дайындықпен келген. Ал жалпы референдумды ұйымдастыру деңгейі мен өткізу шарттарын бағалауға 7 байқаушы аккредиттелген. Дауыс беру науқанын объективті бағалау міндетін алғандар, әзірге ешқандай талап бұзушылықтың тіркелмегенін жеткізді.
Айта кетсек, бүгін 130 мыңға жуық талдықорғандықтар конституциялық құқығын білдіре алады. Сондай-ақ аймақтағы дауыс беру учаскелері ашылған сәтте өз таңдауын жасап, ел тағдырындағы науқанға бей-жай қарамаған алғашқы азаматтарға сыйлықтар табысталды.
