Жамбыл облысында әскери техниканың қозғалысы кезінде автокөлік танкке жол бермей, соқтығысып қалған, деп хабарлайды alataunews.kz.
«Мәтібұлақ» оқу-жаттығу полигоны аумағында әскери техниканы жылжыту кезінде Mersedes автокөлігі жол қозғалысы ережесін бұзып, Т-72 танкімен соқтығысқан, әскери техника жүріп жатқан аумаққа «Танкіге жол бер» белгісі қойылған. Оқиғаға қатысты қызметтік тексеріс жүргізіліп жатыр. Көлік жүргізушісі жеңіл жарақат алған, ешқандай шағымы жоқ екенін, өзін ауруханаға жатқызудан бас тартқанын мәлімдеді», — делінген Қорғаныс министрлігі таратқан хабарламада.
