Энергетика министрлігі егін жинау науқанында 3,2 мың тонна жағармай беруді жоспарлап отыр: тамызда — 904,7 тонна, қыркүйекте — 1017,7 тонна, ал қазан айында 755 тонна.
Бүгінгі таңда ауыл шаруашылығы өнімдерін өндірушілерге 102 тонна жағармай жеткізілді. Оның бекітілген нақты бағасы бір литр үшін 204 теңге. Бұл нарықтағы бағадан 11,2 теңгеге арзан.
Дастан Құдабаевтың айтуынша, Балқаш, Еңбекшіқазақ, Жамбыл, Іле, Қарасайдан басқа аудандар жағармай алған жоқ. Басқарма басшысы жергілікті әкімдер мен басшыларға уақтылы жағармайды алу туралы ескертті.
